Sámegiela gáhtten

Ruovttueatnan gielaid dutkanguovddáža, Kotusa, bargun lea rávvet ja oahpistit sámegiela geavaheaddjiid. Sámegielaid gáhtten fuolahuvvo Anáris ja Ohcejogas. Davvisámegiela dutki bargá fásta virggis. Anárašgiela ja nuortalašgiela gáhtten lágiduvvo gaskaboddasaš ortnegiiguin. Goappáge giela dutkit barget beallevirggis jagi 2006 lohppii. Ođđajagis nuortalašgielas ii leat giellagáhttejeaddji ja anárašgielage doaibma unnu badjel beliin. Figgamuššan lea fidnet anárašgiela ja nuortalašgiela várás bissovaš virggi.

Sámegiela giellagáhttejeaddjiid bargu gokčá dábálaččat olles giellageavaheami. Dutkit vástidit gažaldagaide mat gusket ee. riektačállimii, giellaráhkadusaide ja sátnerádjui. Giellagáhttema áššedovdiorgánan lea ásahusa mielde sámegiela lávdegoddi, man bargun lea cuiget davviriikkalaš giellalávdegoddái giellageavaheapmái guoskevaš prinsihpalaš ja dábálaš ávžžuhusain. Dutkit dollet oktavuođa giellaáššedovdiiguin, Suoma beale sámedikki giellaráđiin ja davviriikkalaš dutkan- ja giellaorgánaiguin.

Davvisámegiela gáhttejeaddji
Káre Vuolab-Lohi, kaarina.vuolab-lohi[ at ]oulu.fi, 040 6749 208, čujuhus Deanugeaidnu 7140, 99980 Ohcejohka / Utsjoki.

Anárašgiela gáhttejeaddji
Marja-Liisa Olthuis, marja-liisa.olthuis [ at ]kotus.fi, (08) 237 11 406
Matti Morottaja lea čállán anárašgiela geavaheapmái rávvagiid Kielâravvuuh, maiddái suomagillii Inarinsaamen kielenhuoltoa,  Anarâškielâ ravvuuh.

Nuortalašgiela gáhttejeaddji