Giellapolitihka

Giellapolitihkka mearkkaša giela dahje gielaid ja servodaga gaskavuođa ordnema diđolaš doaimmaiguin. Gielaplánen lea dáid doaimmaid plánen, ollašuhttin ja árvvoštallan.

 

Giellapolitihkka ja gielaplánen sáhttá guoskat ovtta giela sajádahkii servodagas. Ovdamearkka dihte Suomas lea giellaláhka, sámi giellaláhka ja olu eará lágat, main lea ásahuvvon olbmo vuoigatvuohta geavahit iežas giela eiseválddiiguin. Maiddái unna giela ealáskahttimis dahje giela skuvlemis mearrideapmi lea giela stáhtusa plánen.

 

Giellapolitihkka sáhttá čuohcit gillii alccesis, dalle gažaldat lea korpusplánemis. Giellavuogi stáđásmahttin standárdagiellan ja giellagáhtten gažaldagat gullet korpusplánemii.

 

Giellaoahpahusa plánen guoská eatnigiela, vierrogielaid, guovlluid gielaid ja unnitlogu gielaid oahpahussii.

 

Kotusa suorgái gullet sihke giela stáhtusii ja korpusii guoskevaš gažaldagat