Mii Kotus lea?

Ruovttueatnan gielaid dutkanguovddáš dahjege Kotus dutká ja gáhtte suoma- ja ruoŧagiela, sámegielaid, suoma láhttagiela ja románagiela. Dat dutká maid fuolkegielaid. Eanaš oassi dutkanbohtosiin almmustuvvet sátnegirjin. Giellagáhtten ja nammagáhtten fállet berošteaddjiide máŋggalágan bálvalusaid. Gielladoaimmahat rávve telefovnna bokte ja doallá iešguđetlágan giellagáhttengurssaid. Olbmuid bálvalit maid girjerádju ja arkiivvat.

Kotus

• dutká suoma- ja ruoŧagiela, sámegielaid ja muhtun eará fuolkegielaid, románagiela ja suoma láhttagiela máŋgga perspektiivvas: sátneráju, namaid, giela geavaheami iešguđege dilis, iešguđetlágan teavsttaid, giela dálááiggi ja vássánáiggi, variašuvnna ja stáđásmuvvama
  
• ráhkada ovtta- ja guovttegielat sátnegirjjiid, mat govvidit dutkanguovddáža doaibmansuorggi gielaid
• doaibmá giellagáhtteneiseváldin dahjege rávve ja ovddida suoma- ja suomaruoŧagiela, sámegielaid, románagiela ja suoma láhttagiela standárddagiela
• rávve ja bagada giellagažaldagain
• fállá dutkiide iešguđetlágan gielladieđalaš dutkanvuorkkáid, materiálaid ja viiddes gielladieđalaš girjeráju.
  

Dutkanguovddážis leat lagabui čuođi bargi.

Kotus lea oahpahusministeriija vuollásaš dutkaninstituhtta, man doaibma lea mearriduvvon Ruovttueatnangielaid dutkanguovddážii gustovaš lágas (48/1976, 591/1996). Virgebáikki doaimma doarju ráđđádallangoddi.

Doaibmanjurdda, árvvut ja višuvnnat

Ruovttueatnan gielaid dutkanguovddáš dahjege Kotus lea gielladieđalaš dutkanásahus, man doaibmanjurddan lea lasihit dieđuid ruovttueatnan gielaid ja daid sajádaga birra kultuvrras ja servodagas ja dán láhkai ráhkadit eavttuid gielalaš dásseárvui Suomas.

 

Kotusa doaimma vuolggasadjin lea giela mearkkašahttivuohta olbmo eallimis ja servodagas. Kotus guorahallá giela dutkama čalmmiiguin ja buvttada das luohtehahtti dieđu. Kotusa doaibma vuođđuduvvá ovddasvástádussii, ja dat bargá guhkesbaji ulbmiliid mielde. Dat dárko servodaga initiatiivvalaččat ja ohcala ovttasbarggu.

Dutkanguovddáš lea dovddus dutkan- ja áššedovdilágádus, mii atná vára árbevieruin ja duddjo ođđa dieđuid. Dat čuovvu aktiivvalaččat giela ovdáneami ja váldá oasi giellapolitihkalaš ságastallamii.

Kielipoliittinen ohjelma 16.2.1998
Kotimaisten kielten tutkimuskeskuksen tutkimuspoliittinen ohjelma 2001 (pdf) (84.3 KB)

Suunnittelun ja seurannan asiakirjat