So Finnosko tšimbengo instituutos hin?

Aro Finnosko tšimbengo instituutos roodaha ta omsorogaha finitiko, sveittko ta saamesko tšimba, finitiko sikibosko tšimb ta romani tšimb. Roodaha nii finitiko tšimbako naartesko tšimba. Koni baaride dielos roodibosko resultaatenna vela oppenbaarimeske sar laavesko liine. Tšimbako omsoroga ta naavengo omsoroga rekkavena buut ȟlaaga tšenstibi doolenge so kammena te džaanen buutide. Tšimbako offisios dela sikiba vantako baȟibossa ta stellila vauro ȟlaaga tšimbako omsorogako kurssi. Tumen tšenstavena nii liinesko samliba ta arkiivi.

Finnosko tšimbengo instituutos

 

• roodela finitiko, sveittiko ta saamesko tšimba, noogra vaure finitiko tšimbako naartesko tšimba, romani tšimb ta finitiko sikibosko tšimb buut dikkibosko knuutenna: laave, naave, sar rakkavena ta rannena tšimb aro vaure ȟlaaga stunni, vauro ȟlaaga teksti, tšimbako aka diives ta kalikos, variaatios ta standardos
  
  
• laagila laavesko liine so farabana tšimba saavensa instituutos tšerra butti
  
  
• tšerra butti sar tšimbako omsorogako tšenstako iegiboskiiro: sikjila ta fendjula standardos aro finitiko, sveittiko ta saamesko tšimba, noogra vaure finitiko tšimbako naartesko tšimba, romani tšimb ta finitiko sikibosko tšimb
  
  

• dela sikjiba aro tšibmako puȟȟibirekkila roodiboskiirengo vauroȟlaaga tšimbako džaanibosko arkiivi, materiaali ta baro tšimbako džaanibosko liinengo samliba.

Aro instituutos tšeerena butti neer xeel komuja.

 

Finnosko tšimbengo instituutos hin roodibosko instituutos so ȟunjula sikjibosko ministeriumosko teelal. Instituutosko aktiiviteetenna hin rannide aro laaga (48/1976, 591/1996) Finnosko tšimbako instituutosta. Rakkibosko skokka ȟaȟtila instituutosko aktiiviteeti.

Aktiiviteetosko tentiba, veeri ta visios

Finnosko tšimbengo instituutos hin tšimbako džaanibosko roodibosko instituutos, sosko aktiiviteetosko tenkiba hin te tiljavel džaaniba finnosko tšimbenna ta lengo stedos aro kulttuuros ta sosieteetos ta te luonavel jakkes myördamanneskiiribi tšimbako it veeriboske aro Finnosko them.

 

Instituutosko aktiiviteetengo džaabenesko stedos hin tšimbako fuortuniba aro komunisko džiiben ta sosieteetos. Finnosko tšimbengo instituutos dikkela tšimb roobibosko dikkibosko knuutosta ta laagila dotta ajasaavo džaaniba so lena passaven. Instituutosko aktiiviteetos hin langȟto sihtiboskiiro ta svaaravitiko. Instituutos stellila pes aro pesko trystiba jakkes te douva frestila te tšeerel alsibi ta kammela te tšeerel tšetano butti.

 

Finnosko tšimbengo instituutos hin roodibosko ta saakako džaanibosko instituutos so hiin boȟles pinsardo, följila traditie ta luonila neevo. Instituutos följila tšimbako pariba ta lela dielos aro rakkiba tšimbako poliitikosta.

Kielipoliittinen ohjelma 16.2.1998
Kotimaisten kielten tutkimuskeskuksen tutkimuspoliittinen ohjelma 2001 (pdf) (84.3 KB)
Suunnittelun ja seurannan asiakirjat